الارشيف الشهري: أكتوبر 2011
قريبا علي الاب ستور | تم الانتهاء من برنامج كاشف فلول النظام السابق للاى فون والاى باد
شهدائنا – شهدائنا هم من ضحو بارواحهم من اجل اسقاط النظام القائم ومن اجل حريتنا ضحو بالحياه وما فيها من متع فقط من اجل حريتنا – فلا يمكن ان نتهاون او نشارك فى الجريمه السياسيه التى يدبرها لنا النظام السابق من اجل ان يرجع للحياه فى روح وشكل جديدين لا يبالي بمن سقط من اجل رحيله – كل شخص منا له دور فى حفظ الحريه لمصر الثوره – كل منا له دور فى التوعيه والعمل والتصويت والتظاهر وكل الاساليب الممكنه حتى نحافظ علي حريتنا – وقد اخترت ان يكون دوري فى التوعيه اسهاما اهديه لاجل ارواح شهدائنا والان اشرح لكم النظام .
يمكنك تصفح الفلول حسب المحافظه من خلال جهازك دون الحاجه الى الاتصال بالانترنت تماما حيث تستطيع وانت بداخل اللجنه حتى التحقق
عند اختيار محافظه يستعرض لك البرنامج الاقسام التابعه للمحافظه او المراكز مع خاصيه لاستعراض كافه الفلول بالمحافظه بدون معرفه القسم او المركز
يوفر لك البرنامج خاصيه البحث الفوري مع الظهور المرءي للفلول مباشره مرتبه حسب عمليه البحث داخل المحافظه
النظام يحتوى علي قاعده بيانات رموز النظام السابق وكوادره ومرشحيه مع بحث سريع دقيق
عرض كافه بيانات فلول النظام السابق ومركزهم الوظيفى وتدرجهم ووظيفتهم ومشاراكتهم مع الحزب الوطنى المنحل سابقا
عرض صوره فلول النظام ان امكن حتى يتاح للشخص معرفتها ان تلاعب المرشح في اسمه الثلاثي
التبليغ عن يافطه او نافذه او ملصق دعائي لمرشح من الفلول عن طريق تصوير الدعايا المطلوب ازالتها ومن ثم ارسالها لنا عن طريق البرنامج وتلقائيا البرنامج يرفق الاحداثيات عن طريق القمر الصناعى ويرسلها لزوار موقعنا علي الخارطه - ومن ثم يتمكن الجميع من معرفه مكانها والعمل علي ازالتها وتكسيرها
يمكنك النظام من تصوير صوره جديده حيه او استخدام صوره تم تصويرها مسبقا لارسال التبليغ عن المخالفه الدعائيه
كما يمكنك البرنامج من استعراض والبحث فى الفلول جميعهم دون الحاجه لمعرفه المحافظه او المدينه للوصول السريع وقت الحاجه للتتحقق من احدهم
يستعرض لك ايضا النظام الاحزاب المشبوهه التى انشئها فلول النظام السابق كساتر حتى تتجنبها
كما يعرض لك تفاصيل الحزب وعلاقته بالنظام السابق كتوضيح
كما تستطيع استعراض ومعرفه كوادر الحزب الوطنى المساهمه جميعها حتى نقوم بعزلهم سياسيا علي اكمل وجهه
تم بحمد الله الانتهاء من البرنامج واقدمه لكم من اجل شهداءنا الابرار اهداء لهم جميعا
برمجه وتطوير – العبد لله
حولتم القذافي المجرم لضحية جريمة سياسية والثوار الاحرار لمجرمين؟ّ!!
بادئ ذي بدء, نريد ان نهنئ الشعب الليبي بنجاح ثورتهم واكتمالها من الناحية العسكرية, ونتمنى من كل قلبنا للشعب الليبي ان يتبنى الطريقة المتحضرة لحكم ليبيا من ديمقراطية وحقوق للانسان, بعد ما ذاقوه من ويلات الاستبداد والقهر تحت حكم الطاغية معمر القذافي, وايضا لا بد ان نشكر, هنا, جهود الغرب المتحضر للمساعدة العسكرية والاقتصادية والسياسية التي دعموا بها الثورة الليبية, والتي لعبت الدور الاساسي بنجاح الثورة واكتمالها, ونتمنى ان تتلقى الثورة السورية دعما ايضا من الدول المتحضرة لتسريع وضمان نجاحها ضد طاغية سوريا بشار الاسد.
ولكن…..لماذا ايها الثوار….قتلتم….. القذافي ….بعد ان تم القاء القبض عليه……؟؟؟؟
لقد كانت جريمة قتل القذافي جريمة من العيار الثقيل, وخطيئة كبيرة بحق الثورة الليبية والشعب الليبي؟؟
في الاسطر القادمة سأحاول ان اشرح لماذا جريمة قتل القذافي خطيئة فادحة؟
حسب العرف الدولي, فان القذافي تم القبض عليه حيا, ثم تمت تصفيته بجريمة سياسية بشعة وهو مقيد واسير, ولم تتم محاكمته محاكمة عادلة, لذلك حولت هذه الجريمة معمر القذافي من ديكتاتور مجرم الى ضحية لجريمة سياسية قذرة؟؟
لو مات القذافي اثناء القتال, اي قبل ان تم القبض عليه حيا, لكان مات كمجرم خارج على القانون, وكطاغية ارتكب جرائم ضد شعبه؟
لو أنه بعد ان تم القبض عليه تم اخضاعه الى محاكمة عادلة حسب الاصول, كما حدث لصدام حسين, وتم الحكم عليه بالاعدام, لكان ايضا قد مات كما مات صدام حسين, كمجرم خارج على القانون, وكطاغية ارتكب جرائم ضد شعبه؟
ولكن بقتلكم للقذافي بعد ان تم القبض عليه حيا, فهذا يعني بالنسبة للمجتمع الدولي ومنظماته الحقوقية العالمية, وبشكل غير قابل للنقاش, بأن القذافي هو ضحية جريمة سياسية. نقطة على السطر انتهى!
لانه حسب المعايير الحقوقية العالمية, لو لم يكن هناك اشياء كان من الممكن للقذافي أن يعترف بها لكي يدافع بها عن نفسه امام المحكمة, وهذه الاشياء تخيف اللذين اعطوا الامر بتصفيته, لما كانوا امروا بقتله. نقطة على السطر انتهى .
الآن, وبدلا من ان يكون القذافي قد مات مجرما كما مات صدام حسين, فهو الآن حسب المعايير الدولية قد مات ضحية لجريمة سياسية مثله مثل رئيس وزراء لبنان رفيق الحريري وليس هناك فرق بينهما باي شئ؟
فهنا لا يوجد حل وسط, اما ان المسؤلين الليبيين يريدون ان يحكموا حسب المعايير الدولية او ان يضعوا لنفسهم معاييرهم الخاصة؟ وبهذه الطريقة يصبحون مجرمين مثلهم مثل القذافي, ولا فرق بينهم وبين القذافي بأي شئ!
من الواضح بان الثوار تباينت تصريحاتهم بالبداية حول طريقة قتل القذافي! لذلك سارعت منظمة العفو الدولية المعنية بحقوق المعتقلين بالمطالبة بعدم دفن الجثة قبل ان تتم عملية الكشف الجنائي عليها وحسب المعايير الدولية. ولكن على ما يبدو بان المسؤولين الليبيين لم يذعنوا لمطلب منظمة العفو الدولية لانهم يعرفون بانهم ارتكبوا جريمة سياسية.
اريد ان اذكركم بجريمة سياسة قريبة, وهي جريمة قتل العولقي, وهو مسؤول بتنظيم القاعدة! وكلنا نعرف كمية الجرائم التي ارتكبتها القاعدة ضد اميركا؟ والعولقي هو عراب جريمة فورت هود التي راح ضحياتها عشرات الابرياء من الجنود الاميركيين؟ والعولقي كان يصرح علنا بانه عدو لاميريكا, ويخطط لقتل المواطنين الاميركيين, وهو هارب من العدالة ومختبئ بجبال اليمن موطنه الاصلي…. ومع ذلك تم اعتبار قتله من قبل الجيش الاميركي, جريمة سياسية وتمت المطالبة بمحاكمة من اصدر امر القتل من المسؤلين الاميركيين؟ ونحن على يقين بانه ستتم محاكمة هذا المسؤول حسب القوانين المعروفة عاجلا ام اجلا؟
نحن هنا نتوقع ايضا بان تنجح منظمة العفو الدولية باجراء الكشف الجنائي على جثة القذافي , وسيقر التقرير الجنائي بأن القذافي لم يمت بسبب جروحه وانما بسبب رصاصة اطلقت عليه من مسافة قريبة اي ان هناك جريمة سياسية. ونحن نجزم بانهم سيصلون للمسؤولين الليبيين الذين اعطوا مر القتل وستتم محاكمتهم, فكما ذكرنا اعلاه, لا يوجد حل وسط هنا! اما مع المعايير الدولية او ضدها, وبالحالة الاخيرة لا فرق بين الثوار والقذافي.
نقلا عن طلال عبدالله الخوري
حقيقه ما حدث فى مسيره واحداث ماسبيرو 9 اكتوبر
قبل اى حاجا عاوز الناس تعرف ان الاعلام بياخد الى عاوزوه من الاحداث وبينقلها بالشكل الى ينفذ بيه رسالته – مفيش اعلام حيادى 100% الا الانترنت
شوفو الصوره دى كويس
متصدقش التلفزيون متصدقش اى اعلام موجه من اى طرف مهما كان ياتنزل تشوف بنفسك ياتسمع من ناس نزلو بالفعل وانا حنقلكم شهاده احد الى نزلو وهو SteveNabeel وهى كالتالي
المسيره بدأت من دوران شبرا .. انا وصلت الساعه 3 و ربع .. و هما كانوا مقررين هيتحركوا الساعه 4 على ماسبيرو
الهتافات كنت بتوتها .. كان فيه منها طائفى من وجهة نظرى .. زى ارفع راسك فوق انت قبطى
بس معظم الهتافات كانت ضد العسكر و ضد المشير .. و كان فيه اعتقاد كبير ان الاحداث ضد الاقباط من تدبير المجلس
و زى ما كتبت .. عمرى ما سمعت العدد ده كله بيهتف ضد العسكر .. العدد فضل يزيد يزيد بشكل مهول .. المهم وصلنا اول شارع شبرا
عند اول شارع شبرا قابلت لبنى و العدد كان وصل ممكن ل 100 الف بدون مبالغه
لما نزلنا نفق شبرا .. كان فيه ناس بتحدف طوب علينا من فوق . المهم تجاهلناهم و هربوا فى الشوارع الجانبيه و كملنا المسيره .. العدد كان زاد اكتر
المهم .. لبنى المصريه المسلمه سحبتنى من قدام ربع نقل كان على وشك انه يدوسنى
وصلنا عند هيلتون رمسيس .. كان فيه نشطاء مستنينا اصلا عند ماسبيرو .. كانوا فاكرين العدد مش هيبقى كبير قوى .. لقوا مسيره 200 الف واحد
فيه ناس مشيت من عند الكورنيش و ناس لفت من ورا رمسيس هيلتون .. اول ما وصلت جنب ماسبيرو .. لقيت الناس بترجع جرى و العساكر جايه علينا
كان فيه صوت رصاص كتير .. معرفش حى ولا مطاطى ولا ايه .. جرينا اخر الشارع و لفيت من عند الكورنيش
و شفت بعينى ..مدرعتين جيش طالعين علينا بسرعه و الناس بتجرى منهم .. واحده منهم دهست اتنين تقريبا راحت الناس اتلمت عليها و ولعوا فيها
المدرعات و هى جايه كانت بتخبط العربيات اللى راكنه و تقلبها كمان
و الناس كانت بتضرب طوب على المدرعه المولعه .. و كل ما يحاول العسكرى اللى فيها يخرج الناس بترميه بالطوب.. قعدنا نهتف سيبوه يخرج
الناس سابته يخرج .. بس اول ما طلع فشخوه ضرب وبعدين لقينا المدرعه التانيه جايه علينا بسرعه جنونيه
المدرعه التانيه دهست قدام عينى مش اقل من 15 واحد .. الناس كانت بتطلع على الرصيف كانت بتطلع وراهم .. دهست مش خبطت
ابتدينا نشيل فى الجثث و ندخلهم فى العمارات و نجرى .. و هرج و مرج
طوب و هرج و مرج .. رجعنا عند منزل الكوبرى قدام هيلتون رمسيس .. و قالبلت تويبس كتير الناس فاكرينهم فرافير و هما بميت راجل .. ولاد و بنات
ابتدينا الكر و الفر مع الجيش .. و هما ابتدوا يضربوا غاز .. غريب فشخ .. مالهوش لون ولا دخان زى القديم .. فجأه تحس بيه و متعرفش مصدره غالبا في الوقت ده كان الجيش زاع البيان الوسخ بتاعهفى نص الهرج و المرج مذيعتين امريكان سجلوا معايا .. بيسألونى هو مين اللى بيضرب .. الجيش ولا السلفيين . قلتلهم لا الجيش
و قلت للاتنين الامريكان على فكره احنا مش عايزين تدخل اجنبى ولا حمايه دوليه من حد .. و روحوا دلوقتى عشان باسبوركم مالهوش لازمه لو اتمسكتوا
و بعدين اترمى الغاز .. فجريت تانى على منزل الكوبرى .. و ابتدينا نرمى زلط و هما يرموا علينا زلط و يضربونا بالمطاطى
جريت نحية التحرير علشان اجيب خل .. علشان البيبسى معملش اى حاجه النهارده .. جبته من بقال فى شارع جانبى . رجعت لقيت الوضع اختلف فشخ
لقيت ناس عند تمثال عبد المنعم رياض بيضربوا طوب على ناس برضه تحت الكوبرى .. حاجه شبه موقعة الجمل كده
بقيت اسأل دول اقولهم انتوا بتضربوا مين .. يقولولى دول بلطجية المجلس
لفيت الناحيه التانيه باعجوبه سالت التانين انتوا بتعملوا ايه . قالو بنطهرم البلد من النصاره ولاد الكلب ..
بقيت اقولهم يا جدعان انتوا بتضربوا بنات محجبات .. مفيش حد بيسمع … رجعت تانى ناحية التحرير .. و كر و فر .. و طوب و جرى حبه حلوين كده
و بعدين لقيت فجأه الناس الناحيه التانيه رفعوا ايديهم , و قالوا احنا تبعكوا
و الناس شالوا شيخ سلفى و قعدوا يقولوا مسلم مسيحى ايد واحده .. و المجموعتين انضموا على بعض و العدد كان فشيخ جدا
المهم .. الشيخ السلفى كان بيهتف مسلم مسيحى ايد واحده و الناس تهتف وراه و طالعين على ماسبيرو
و احنا ماشين لقيت واحد بيقول اسلاميه اسلاميه .. رحت ماسكه من قفاه و قلتله .. انت بتشعللها ليه انت مدسوس ولا مخبر .. راح عمل عبيط و سكت
وصلنا عند ماسبيرو باعداد فشيخه .. و العساكر كانوا عاملين كردون ..الهتاف كان يسقط يسقط حكم العسكر .. و فجأه قلب الجيش و الشعب ايد واحده
و لقينا عساكر الجيش بتتطلع على الكوبرى و ترمينا بالظلط .. بعدين لقينا اعداد كبيره من المواطنين الشرفاء معاهم على الكوبرى بيرمونا بالطوب
العساكر طوقونا من الناحيتين .. فهربنا على شارع رمسيس .. كان فيه عساككر و مواطنين شرفاء عند ماسبيرو و عند مدخل التحرير
و المواطنين الشرفاء زادوا فشخ و ابتدوا يهتفوا اسلاميه اسلاميه .. و الشعب يريد تطبيق شرع الله .. و النصارى فين الاسلام اهو
عسكرى بيقول للمواطنين الشرفاء .. ياللا خلونا نطهر البلد من النصارى الانجاس
لما لقينا اننا قليلين فشخ .. و وش هنتمسك .. اتحركنا من شارع رمسيس على وسط البلد .. و فضلنا بس نكلم بعض و نطمن .. و نتلم
خرمنا من وسط البلد على التحرير .. لقينا العساكر سادين الشارع .. حاولنا نهتف ضدهم .. بس كنا قليلين ,, و واحد فيهم ضرب برشاش الى فى الهوا
قعدنا نسقفله و نقوله .. دكر .. و راجل
و بعدين سمعنا انهم ابتدوا يقبضوا على ناس .. ف استخبينا فى مكان مش هقول عليه .. و عرفنا انهم هيطبقوا حظر التجوال
استنينا شويه و بعدين سيبنا المخبا.مشينا فى شوارع جانبيه لحد رمسيس..و هناك لقينا مسيره بتهتف ضد العسكر بس صغيره قوى . انا كنت تعبان فشخ فروحت
دى كانت شهادتى .. عايز تصدق صدق .. مش عايز متصدقش
ستيف نبيل .. فى 9 اكتوبر 2011
أحدث التعليقات