-
كنت | بقيت [من دفتر ذكرياتى]
كلمات صغيره لها معانى كثيره
كنت : بستنى وقت اى مشكله رساله منك وقت ما كنا بنزعل تصالحنى او تقولى وحشتنى
بقيت : لو يوم جالي رساله منك او من غيرك استغرب ان لسه حد فاكرنى
كنت : مغرور ومتكبر على الناس بس غروري مكنش بسبب حقيقي غير انى كنت شايف انك اخترتنى دوننا عن بقيه الناس وان دا سبب كافي انى اكون مميز عنهم .
بقيت : يوم ما اتكلم مع حد احس بكل عيوبى وعجزى ومرضي لما اكتشفت انى مبقتش اختيارك.
كنت :الزمان والمكان والوقت والتعب والسهر ملهمش اى حسابات عندى لانى بكون معاك وليك ورايح ليك وجى من عندك وكل حياتى ليك .
بقيت :بعرف الزمن من المناسبات الى بتعدى عليا – رمضان ,العيد , الحج,راس السنه , وطبعا عيد ميلادك – اصل ايامى بقت شبه بعضها مفهاش اى طموح او امل.
كنت :رغم عجزى ورغم انى بقيت عاجز ومشلول انسان لانى بيك كنت كامل ومن غير اى نقصان .
بقيت :رغم نجاحى فى حياتى ناقص وعاجز ومشلول – بس فكريا وروحيا لانى انكسرت بهجرك !———
علي فكره رغم كنت وبقيت اول لما جالي رساله هجمت علي الموبيل واتمنيت انك تقول انك رجعت وجيت ! بس اكتشفت انى اتعشيت واكلت وجبه تقيله ونمت وحلمت واتمنيت وادينى اتغميت !
وبكره حاقوم من النوم الصبح وانا فى يوم جديد من كنت وبقيت وذكريات منها عمري ما مليت ياخى يلعن ابو القلب الى خلانى حبيت اكمنى حد غريب – شايل قلبي كالسيف وبتحدى بيه الزمن ولا انهزيت – قام ضربنى وقالى ياهبل روح كمل نوم !
واهى ايام وبتعدى ياصحبي
اترك رد - رأيك يهمنى :)