الحمد لله على كل حال

بس انا تعبت بجد تعبت من كتر التفكير فى المستقبل تعبت فى كتر الاحساس انى مش عايش احساس مريح انك تحس انك مظلوم والاحساس الاجمل انك تنام ودمعتك على خدك ميحسش بيها الا انت جميل انك تحس انك مظلوم ومحدش حاسس بيك جميل انك تحس بالغدر من كل الى حوليك كل الى فات استحملتة كتير اوى واستحملت كمان نظرة الناس واحساس العجز مع انو احساس صعب اوى

بس الى مش قادر استحملو انى عارف انى عمرى قصير فى الدنيا بنام وانا عارف وحاسس انى مش حصحى بكرة دورت فى النت وعملت بحث فى حالتى وعلاقة الحبل الشوكى والموت وكان الرد كالتالى

Overall, 85% of SCI patients who survive the first 24 hours are still alive 10 years later. The most common cause of death is due to diseases of the respiratory system, with most of these being due to pneumonia. In fact, pneumonia is the single leading cause of death throughout the entire 15 year period immediately following SCI for all age groups, both males and females, whites and non-whites, and persons with quadriplegia.

ومعنها الترحمى بالملخص ان عمر مصاب الحبل الشوكى الافتراضى بنسبة 85% من المصابين الى بيعيشو بعد 24 ساعة حيعيشو حوالى 10 سنين وفى معظم الحالات متوسط العمر الافتراضى  15 سنة من الاصابة لكل الاعمار ولكل الانواع سواء ذكر او انثى

عدى 4 سنين هانت جايز ربنا يكون رحيم بيا ويرحمنى من عذاب دنيتى

اللهم اشهد ان لا اله الا الله وان سيدنا محمد رسول الله

حسبى الله لا الا الا هو ونعم الوكيل اللهم انى اشكرك على نعمتك وفضلك وعظيم سلطانك

بعد طول انتظار انتهيت اخيرا من برمجة الاصدار الثانى من برنامج المتميز الاخبارى الاصدار يعتبر نقلة نوعية فى برمجياتى نظرا للاعتماد الكامل على نظام ال لاوبجيت اورينتت وفصل القوالب عن البرمجة نهائيا واستخدام نظام الكاش للتخفيف على قواعد البيانات فاعلن ان البرنامج يستطيع العمل مع الملاين من الاخبار بكل سهولة وسرعة مع اكثر من 120 خاصية جديدة افضل ان لا اعلن عنها الا عند الصدور الرسمى للنسخة التجريبية

لماذا لم يتم طرح النسخة التجريبية ؟

فى الحقيقة يقابلنى العديد من المشاكل لم اقم بحلها حتى الان وهى

• الاستقرار على محرر مواضيع سهل يجمع بين امان نظام الصندوق السحرى الخاص بالمنتديات مثال الموجود فى النسخ السابقة وسهولة محررات ال html الواقعية فهناك اكثر من 20 خيار امامى حاليا افضل بينها واريد من كل عملاء المتميز الاخبارى  مشاركتى ارائهم وافكارهم لكى اصل لحل وسط
• وصول لحل امثل للعملاء السابقين نظرا لان النسخة اختلاف جزرى فى كافة نظام الموقع فالترقية بالتاكيد ستغير ما يقرب من 1000 ملف  وكافة انظمة القوالب وقاعدة البيانات
• انشاء دليل توثيقى للجيل الثانى وهذا ما اقوم بة فى الفترة الحالية
• تجربة البرنامج والتاكد من خلوة من الثغرات البرمجية وهذا ما اقوم بة ايضا حاليا
• الاستقرار على برنامج تشفير قوى يحمى الشفرة البرمجية وفى نفس الوقت لا يوثر على النسخة من حيث السرعة او الاكواد
• تعديل برمجة تحكم لوحة العملاء لكى تتناسب مع البرمجة الجديدة فمن خلال لوحة تحكم العملاء يمكنك نقل الترخيص من اسم نطاق لاخر بكل سهولة او تعطيل ترخيصك فى حال تغير الدومين الخاص بك
• تجربة لوحة التحكم لاننى اقوم بكافة اعمال البرمجة الخاصة بالنسخة فاريد التاكد من خلوها من الهفوات  البرمجية لان الكمال لله وحدة ولكن اريد ان اصدر نسخة شبة كاملة من كل النواحى
• الترقية ستكون لكل العملاء مجانية ولكن تغير اسم النطاق من خلال لوحة تحكم العملاء سيكون فى خلال فترة الدعم الفنى فقط وسيتم تعطيلة فى حال عدم التجديد فى خطة الدعم الفنى
• فى انتظار قسم التصميم بشبكة عرب فور ديزاين لتصميم ستايل او ستايلين مجانين للبرنامج لكى يصدر بحلة جديدة من كل النواحى
• تم تغير الاسم من برنامج المتميز الاخبارى الى المتميز لادارة المواقع والمحتوى لان البرنامج لم يصبح فقط برنامج اخبار بل منظومة متكاملة تنافس اقوى المنتجات من حيث الصفات والمميزات
• بالاسفل موجود صورة من رئيسية لوحة التحكم توضح التغير  الجذرى فى نظام البرنامج

افريقي - أمريكي ..
مواليد 4 اغسطس عام 1961
مكان الميلاد : هونولولو , الولايات المتحدة
اسم الميلاد : باراك حسين أوباما ..
سيناتور بمجلس الشيوخ منذ عام 2005
متزوج من : ميشيل أوباما
والد : ماليا أن, و ساشا أوباما
اصبح بعد يوم انتخابي طويل رئيساً للولايات المتحدة الامريكية ..

فى الإنتخابات الأمريكية لكي تصبح رئيساً للولايات المتحدة عليك ان تحصل على 270 نقطة ..

ماكين حصل على 156 نقطة ..
أوباما حصل على 338 نقطة ..

وماذا بعد !!!

اتسائل وسط فرح عربى كبير وتفائل بأن يكون منصف للمسلمين والعرب ولكن العجيب ان فى نفس الوقت فرح كبير للاسرائلين وفرح مع العديد من علمات الاستفهام !!! كيف يفرح اليهود برئيس امريكى من اصل مسلم !!! ولكن التوابع يبدو منها ان اول القصيدة كفر والرياح ستأتى بما لا يشتهى العرب ولا المصرين (بما اننا شعب خاص استحملنا الظلم 7000 سنة ) المهم لية اول القصيدة كفر.

 اوباما يختاراسرائيلى  رئيساً لطاقم البيت الأبيض !!

 بدأ الرئيس الأمريكي المنتخب باراك أوباما تشكيل إدارته المقبلة باختياره رام إيمانويل لشغل منصب كبير موظفي البيت الأبيض، ليكون ثانى يهودى يعتلى هذا المنصب الخطير الذي يطلع بمقتضاه على أدق أسرار القوة العظمى في العالم.

وسيتسلم إيمانويل (49 عاما) مهام منصبه من سلفه “جوشوا بولتن” ليصبح الرئيس الثالث والعشرين للعاملين فى البيت الأبيض منذ عام 1946.

وكان بولتن من أشد المتمسكين بالتقاليد اليهودية في إدارته للبيت الأبيض ولم يكن يدع أي مناسبة يهودية دون الاحتفال بها في البيت الأبيض.

وقد عمل في إدارة الرئيس بوش أكثر من 40 يهوديا ، كان من أبرزهم وزير الأمن الداخلى “مايكل تشيرتوف”، ووزير الطاقة “صامويل بودمان”.

كما كان من أكثرهم شهرة على مستوى العالم نائب وزير الدفاع السابق “بول ولفويتز” وأحد أهم صقور إدارة بوش والذى تولى فيما بعد رئاسة البنك الدولى وخرج مجبرا على الاستقالة بعد فضيحة بارتكاب مخالفات فساد.

ومن قبله “دوجلاس فيث” وكيل وزارة الدفاع الذي زيف تقارير عن الخطر الذي يمثله العراق ، وكان مع ولفويتز ، من أبز صقور الحرب في إدارة بوش والذين كانوا يدفعون بقوة نحو غزو العراق.

كما تولى “إليوت إبرامز” منصب نائب مستشار الأمن القومى المعنى بالملف الفلسطينى - الإسرائيلى والذى يعد من أشد المعادين للعرب والفلسطينيين والمحرضين ضد قيام الدولة الفلسطينية.

ولد “رام إيمانويل” فى شيكاغو بولاية إلينوى عام 1959 لأب من القدس يعمل طبيب أطفال هو بنجامين فرانكلين.

وكان أبوه فرانكلين أحد أفراد عصابة “ارجون” الإرهابة الصهيونية التى ارتكبت العديد من الجرائم البشعة ضد الفلسطينيين والإنجليز.

وتلقى إيمانويل الذى يحتل رابع أكبر المناصب فى الحزب الديمقراطى، تعليمه في مدارس يهودية بشيكاغو ، ودرس الباليه والرقص والفنون الحرة وحصل على الماجستير في الكتابة والاتصال ثم بدأ مسيرته السياسية بالانضمام إلى حملة النائب الديمقراطي ديفيد روبنسون في شيكاغو.

وكان أبوه الذي مازال يمارس الطب حتى الآن قد هاجر من إسرائيل وحرص على التحدث بالعبرية إلى أبنائه ليغرس فيهم الانتماء دائما إلى أصولهم.

وتحولت زوجة إيمانويل “آمي رول” من يهودية ليبرالية إلى أرثوذكسية (متشددة) حينما تزوجت منه.

ويعد إيمانويل وزوجته من الأعضاء النشطاء في تجمع اليهود الأرثوذوكس فى شيكاغو ولهما ثلاثة أطفال هم ولد “زخاريا” وابنتان “إلانا” و”ليا” ويتلقون تعليمهم جميعا فى المدارس اليهودية التي تعلم فيها إيمانويل.

اعتقد من بعض المختارات الى علمت عليها واضح جدا سياسة اليهود وخصوصا فى ادارة بوش وفيما بعدها غالبا فى ادارة اوباما يعنى احنا حنفضل غلابة يعنى حنفضل غلابة

تصريحات اوباما بخصوص القدس والتقرب لليهود

خلال حملته الانتخابية افتتحت مدونة باللغة العبرية، للتصدي صورة أوباما المعادية لإسرائيل التي أضرت به خلال حملته تم افتتاح هذه المدونة في تابوز أحد المواقع الإسرائيلية الشعبية وقد نشرت صحيفة يديعوت أحرونوت وموقع واينت التابع لها خبراً يقول أنها مدونة أوباما الرسمية، وتناقلت وسائل الإعلام هذا الخبر. إلا أنه بعد عدة أيام نشر مكتب حملة أوباما الانتخابية نفيا حول كون هذه المدونة رسمية وقال أنها عبارة عن مبادرة فردية  وتم تعديل المقالة في موقع واينت.

في خطاب له أمام منظمة أيباك المؤيدة لإسرائيل صرح أن “القدس ستبقى عاصمة إسرائيل ويجب أن تبقى موحدة”. مما أثار حفيظة الصحافة العربيةوقام قادة فلسطينيون بانتقاد تصريحاته وفي حديث لاحق في شبكة سي إن إن سئل حول حق الفلسطينيين في المطالبة بالقدس في المستقبل فأجاب أن هذا الأمر متروك للتفاوض بين طرفي الصراع إلا أنه عاد وأكد حق إسرائيل المشروع في هذه المدينة .

———————–

بس عارفين انا مرتاح اننا غلابة لان حيجى يوم ونفوق بجد بس حنبقا صحينا من كبت رهييييييييييييييب حيولد جوانا طاقة انتاج وعمل ودفاع وكل احداث العالم دلوقتى بتدل على ان دين الاسلام دين حق وان نهاية العالم فعلا حتكون زى ما سيدنا محمد قال حقيقى بجد انا فخور بدينى دين الحق

 خلونا نشوف كدة الاحداث دى ونربط الاحداث ببعضها

معاهدة الروم
في البداية يكون المسلمين في حلف (معاهدة) مع الروم نقاتل عدو من ورائنا ونغلبه وبعدها يصدر غدر من أهل الروم ويكون قتال بين المسلمين والروم . في هذه الأيام تكون الأرض قد ملئت بالظلم والجور والعدوان ويبعث الله تعالى رجل إلى الأرض من آل بيت النبي محمد صلى الله عليه وسلم (يقول الرسول صلى الله عليه وسلم : أسمه كأسمي وأسم أبيه كأسم أبي , يملأ الله به الأرض عدلاً وقسطاً كما ملئت ظلماً وجوراً. (واظن احنا فى زمنا فى معاهدات زى الرز( سلام الخ الخ الخ))

 2 - خروج الدجال وظهور المهدى المنتظر

 يمكث في الأرض أربعين يوماً ,يوم كسنة , ويوم كشهر , ويوم كأسبوع , وباقي أيامه كأيامنا, ويعطيه الله قدرات فيأمر السماء فتمطر , والأرض فتنبت إذا آمنوا به , وإن لم يؤمنوا وكفروا به , يأمر السماء بأن تمسك مطرها والأرض بأن تقحط حتى يفتن الناس به. ومعه جنه ونار , وإذا دخل الإنسان جنته , دخل النار , وإذا دخل النار , دخل الجنة. وتنقلاته سريعه جدا كالغيث أستدبرته الريح ويجوب الأرضكلها ماعدا مكة والمدينة وقيل بيت المقدس . من فتنه هذا الرجل الذي يدعيالأولوهيه وإنه هو الله (تعالى الله) لكنها فتنه , طبعا يتبعه أول مايخرج سبعين ألف من اليهود ويتبعون كثيرا من الجهال وضعفاء الدين. ويحاجج من لم يؤمن به بقوله , أين أباك وأمك , فيقول قد ماتوا منذ زمن بعيد , فيقول مارأيك إن أحييت أمك وأباك , أفتصدق؟ فيامر القبر فينشق ويخرج منه الشيطان على هيئه أمهفيعانقها وتقول له الأم , يابني , آمن به فإنه ربك , فيؤمن به, ولذا أمر الرسول صلى الله عليه وسلم أن يهرب الناس منه ومن قابله فاليقرأ عليه فواتح وخواتيم سورة الكهف فإنها تعصمه بإذن الله من فتنته.
ويأتي أبواب المدينه فتمنعه الملائكة من دخولها ويخرج له رجل من المدينة ويقول أنت الدجال الذي حذرنا منه النبي , فيضربه فيقسمه نصفين ويمشي بين النصفين ثم يأمره فيقوم مرة أخرى. فيقول له الآن آمنت بي؟ فيقول لا والله , ماأزدت إلا يقيناً , أنت الدجال .
في ذلك الزمان يكون المهدي يجيش الجيوش في دمشق (الشام) ويذهب الدجال إلى فلسطين ويتجمع جميع اليهود كلهم في فلسطين مع الدجال للملحمة الكبرى.
ركز هنا على اخر سطر فوق اليهود متجمعين فى فلسطين سبحان الله ودة الى حاصل فى ايامنا هذة ودة يدل على ان الرسول شاف تشتتهم وشاف تجمعهم تانى سبحان الله مش كدة وبس الى جى اعظم واعظم .

نزول عيسى بن مريم :

سبق ان ذكرنا في ذلك الزمان يكون المهدي يجيش الجيوش في دمشق (الشام) ويذهب الدجال إلى فلسطين ويتجمع جميع اليهود كلهم في فلسطين مع الدجال للملحمة الكبرى المسلمين يجتمعون في المناره الشرقية بدمشق , في المسجد الأبيض (قال بعض العلماء أنه المسجد الأموي) , المهدي يكون موجود والجاهدون معه يريدون مقاتله الدجال ولكن لايستطيعون , وفجأة يسمعون الغوث (جائكم الغوث , جائكم الغوث) ويكون ذلك الفجر بين الأذان والإقامة. والغوث هو عيسى بن مريم ينزل من السماء على جناحي ملك , فيصف الناس لصلاة الفجر ويقدم المهدي عيسى بن مريم للصلاه بالناس , فما يرضى عيسى عليه السلام ويقدم المهدي للصلاة ويصلي ثم يحمل الرايه عيسى بن مريم , وتنطلق صيحات الجهاد (الله أكبر) إلى فلسطين ويحصل القتال فينطق الشجر والحجر يامسلم ياعبد الله , هذا يهودي ورائي فأقتله , فيقتله المسلم فلا يسلط أحد على الدجال إلا عيسى أبن مريم فيضربه بحربه فيتقتله ويرفع الرمح الذي سال به دم ذلك النجس ويكبر المسلمون ويبدأ النصر وينطلق الفرح بين الناس وتنطلق البشرى فيالأرض. فيخبر الله عز وجل عيسى بن مريم , ياعيسى حرز عبادي إلى الطور (أهربوا إلى جبال الطور), لماذا؟؟ قد أخرجت عباداً لايدان لأحد على قتالهم (أي سوف يأتي قوم الآن لايستطيع عيسى ولا المجاهدون على قتالهم)

 اذا نستنتج ان عقيدتنا تخبرنا بضياع فلسطين وان اليهود جميعهم سيكون متجمعين فى فلسطين ويأمنو بالدجال اعتقد اكبر ما يدل على ان دينا دين الحق ان فعلا اليهود تجمعو فى فلسطين واننا على قرب من يوم الدين يوم لا ينفع عدو ولا حبيب الا من خاف الله وامن بالله

يامسلمين ابشرووووووو ان الله لا يضع اجر من احسن عملا
من الواضح من الكلام فوق يجماعة ان الى احنا فية تنبئ بية رسول الله وقد ذكر ان القدس فى اخر الزمان ستحرر واظن سبب تمسك اليهود بالجولان سبب عقائدى بسبب ذكر ان جيش المسلمين سيأتى من سوريا بقيادة عيسى علية السلام

ماذا حدث لنا وماذا يحدث لمدينتنا العظيمة الجميلة القاهرة فبعد ان كانت من اروع المدن العربى اصبحت تشتهر بالتالى

• عشوائيات ومناطق نائية
• تلوث ضوضائى سمعى وبصرى
• تلوث للهواء وسحابات سودا وخلافة
• حوادث وعشوائية فى الطرق

ويارب ابعد الشر عننا يارب خير اللهم اجعلو خير بقالى شهر شهر ونص عمال كل يوم اسمع حريقة مرة مركز الشورى مرة المسرح ومرة فين ومرة فين لغاية النهاردة لما سمعت ان فى حريقين واحد فى الجيزة واحد فى القاهرة.
اندلع الحريق الأول داخل فندق النيل، وتبين أن الفندق تحت الإنشاء وهو ملك رجل الأعمال (هشام طلعت مصطفى) المحبوس حالياً على ذمة قضية مقتل الفنانة سوزان تميم .
يقع الفندق خلف السفارة البريطانية بوسط القاهرة .
أما الحريق الثاني فشب داخل مقر محكمة الجيزة الابتدائية بعد أن فوجئ المواطنيين الموجودين بالمحكمة باندلاع النيران داخل مكتب رئيس مباحث الترحيلات بمحكمة الجيزة الابتدائية.
نتج عن الحريق الذي تسبب في رفع جميع الجلسات إصابة 3 أشخاص بينهم نقيب شرطة وحاجب المحكمة ومحامي

انا بقا عاوز اعرف فين التخطيط الى شفتو فى مستشفيات اوربا ودول الخليج فين قواعد السلامة فين الرقابة الصارمة حقيقى على رأى الصحفى الى هاجموة انو شتم فى فريق الزمالك بقولها بصوت عالى a7a ياحكومة وسامحونى على اللفظ العبقرى الى دخل فى حياتنا من السينما والشباب ووصل للصحافة والمدونات بس انا عاوز اعرف بجد فين التخطيط فى المبانى اية لزمة قوانين السلامة دة انا اعرف ان كل محل عشان يرخص لازم طفاية حريق ما بالك مسرح مليان ناس ولا مجمع محاكم انا والله ما عارف احنا راحين على فين

بس عندى بجد سؤال منطقى هو ممكن دة يكون تكرار لمسلسل حريق القاهرة على ايد جماعات جاسوسية زى الجماعة الى مسكوهم فى الخمسينات مهمتها زعزة استقرار مصر وقلب الداخل وتصعيد الخلاف بين الحكومة والشعب والله ما عارف بس حتى لو ان الموضوع كان بأيد بشر عشان يعملو مشاكل بين الحكومة والشعب انا شايف ان دة ميعفيش الحكومة انها تعظم دور الجهاز الرقابى وتدخل التكنلوجيا وتحط قوانين صارمة

وحياة ابوكم خلونا نعيش شويا نضاف عاوز انزل الشارع احس ان انا فخور بية عاوز احط صورة فى الكرنية وافرح ان مكتوب جمبها مواطن مصرى واسمع الناس برة تقول واو مصرى  ولا احنا مش مكتوبلينا نعيش شويا على الناس عاوزين نتأمر على الناس لما يخشو بلدنا عاوزين حاجات كتير اوى

بس مش طماعين نفزولنا منها حاجا واحدة بس
سلامة وامن وصحة ورزق  عم سعيد المواطن المصرى الغلبان “خدو بالكم المواطن المصرى من كتر السعادا سميتو سعيد :D”

صورة جميلة جدا لنفق العروبة فى شارع صلاح سالم

بالتحديد يوم 12 - 8 -2005 بعد نتيجة الجامعة ب 4 ايام والفرحة الى مكنتش تتوصف بمعجزة النجاح لانى مش كنت حضرت وكان نسبة حضورى 4% بسبب اهتمامى بالشغل عن الجامعة

اهلى كانو سافرو يوم 11 -8 -2005 عشان فرح ابن خالتى ويوم 12 - 8 صباحا كان عندى اجتماع مع الشيخ عوض الغرابى رئيس مجلس ادارة شركة الانذار المبكر فى السعودية ومحمد نصير صاحب مجموعة الكان فى الدقى والى ماسك فودافون كلها المهم بعد ما خلصت كان الحوار التالى فى التليفون بينى وبين ماما

ماما :ايمن لازم تيجى فرح ابن خالك .
انا : والله ياماما مينفعش عندى شغل
ماما : والله العظيم لنت جى مينفعش تقعد لواحدك فى الشقة فى الحقيقة ماما مكنتش بتثق فى حضرتى لاخلافى العظيمة !!! :D> .
انا : والله ما ينفع يماما طيب ححاول
وقفلت السماعة وروحت البيت وكان مفيش فى القاهرة وقتها الا انا واحمد اخويا وطبعا مكنش فى اكل بحكم اننا فاشلين فى اننا نعمل اكل نزلت جبت شيبسى عائلى وسفن اب كبيرة وجبت مدليتين من عند محل هدايا من الى هما طوال المهم فكلمت ماما من المحل اطمن عليهم واقولها خلاص اننا مسافرين ودار الحوار التالى

انا : ازيك يماما عاملة اية خلاص حنيجى انا واحمد دلوقتى
ماما : حازم جى اسكندرية تعالو معاة بدل ما تيجو موصلات
blockquote>بالمناسبة حازم دة زوج اختى وكانو مخلفين قبل الحادثة بايام بنت اختى جنى وكان المفروض اختى وبنتها هما الى يسافرو مع حازم زوج اختى ظابط فى امن الدولة بعيد عنكم وقتها كان فى الامن المركزى قطاع 6 اكتوبر بس لحسن الحظ اختى وبنتها سافرو مع ماما وspan style=”color: #ff0000;”>من مفارقات الزمن انى الى صورت سبوع بنت اختى ووجهتلها كلمة فى الكاميرا ححاول ابقا اجيبلكم فيديو السبوع سبحان الله زى ما بكون سايب اخر ذكرى فى حياتى
/span>/blockquote>
بعد ما قفلت كلمت زوج اختى واتفقت معاة ونزلت انا واخويا ورحنا لغاية القطاع فى 6 اكتوبر وكانت اول مرة اروح القطاع وركبت معاه العربية وشغل سورة يوسف من القران الكريم وانا واحمد بحكم اننا بنحب التصاميم قعدنا نعلق على الاعلانات فى الطريق الصحراوى وكنت عطشان جدا فقلت لزوج اختى يصحينى عند الريست اشرب ميا !! وانا بعلق على الاعلانات عينى غفلت انا واحمد اخويا لدقائق

وكان التالى لحظة فارقة فى حياتى

صحيت على نفسى وانا بخبط لمين وشمال والعربية بتتهز جامد لفت 5 لفات ونزلت تحت التريلا الى خبطتنا والله يسامح سائقها ويغفر لة حتى لو غلطان على الى حصلى المهم جوز اختى نزل وانصدم على العربية وكلم ماما وقعد يقول العربية راحت !!! وطلعو اخويا كان فاقد الوعى ومش حاسس بالدنيا وانا كنت جوة والناس بتقولى اطلع والتالى اصعب لحظات حياتى

بعد ما كنت فى لا وعى وصدى صوت حادثة وعمال اسئل نفسى حادثة اية حادثة عملنا حادثة جيت اقوم عشان اخرج اكتشف ولاصعب لحظة فى حياتى انى فاقد القدرة على حركة رجلى تماما “ناديت لحازم بصوت عالى حازم انا انشليت” محدش سمعنى ولا جمع الكلام ولقيتو بيقول لماما ايمن كويس واحمد الى تعبان !!! بس عرف بعد كدة الحقيقة دخل العربية وربط جرح راسى لان دماغى كانت مفتوحة 3 سم ونفوخى برة وطلع يشوف احمد ودخل الناس ينقلونى لقيت ساعتى فى ايد واحد قلتلو ماسك الساعة لية هاتها جيت امسك بايدى لقيت ايدى الاتنين عاجزين عن الحركة وعن انى افتح او اقفل صوابعى ناديت حازم ياخد الساعة والناس دخلت العربية تشيلنى وشالونى زى الجثة وانا كنت فى مرحلة الا وعى وبين الحيا والموت ونفسى كان صعب جدا اخدة والناس ممسكتش رقبتى الى للاسف كانت اتكسرت وحطونى فى الحارة فى النص فى الطريق الصحراوى قلت بالعافية نفسى نفسى حاولو يلفونى اخد نفسى جسمى لف ورقبتى فضلت زى ما هيا الفقرات انكسرت تماما عن العمود الفقرى

المهم جت الاسعاف عشان تاخدنا وانا فاكر واى لما كنت بحاول اوصى اخويا على ماما وعلى واحد من اعز صحابى اسمو مينا من مودرن هو وبعدين الاسعارف طلع مفهاش بنزين واستنينا اسعاف تانيا ورحت المستشفى العاجلة فى الصحراوى فى مدينة اسمها السادات كانت مستشفى رائعة مفهاش اى حاجا تقريبا حتى البيتادين المطهر مفهاش !!! خيطلى راسى ومن غير بنج لان مينفعش وهما مش عارفين اية الى حصل فى المخ يحطو بنج وعملو اكتر من اشعة واتنقلت لمستشفى المعادى للقوات المسلجة وفضيت يومين من ايام جهنم فى العناية المركزة بجد بين تفكير فى المستقبل المجهول والماضى والحب والى بحبها والى خلاص مش حنبقا لبعض بسبب انى بقيت عاجز وكلام كتير والاصعب كان عليا ماما لما شافتنى وعرفت انى مشلول الناس كلها مكنتش مصدقة جيت يوم السبت جة دكتور المخ والاعصاب المعروف اللواء دكتور محمد توفيق وقال لازم يعمل عملية فورا واتجهزت للعملية ومن ظلم الزمن اكتر ان اكتشفو ان فى تيفود فى الدم وكان لازم اتعالج منة لان الحرارة العالية غلط عليا والتيفود دة يجماعة بجد صعب اوى وجعة فظيع المهم اتأجلت العملية وكل شويا تتاجل لغاية ما عدى شهر والمفروض خطر انى استنى اكتر من يومين معملش العملية كنت نايم على سرير متبث فية مش شايف الا السقف قدامى وكان غلط عليا انى احط حتى مخدة تحت راسى فضلت فى مصر 3 شهور اتعالج بعد العملية واصلا دخولى العملية كان فية خطر 70% لانى كنت داخل وحرارتى 40 وبالتيفود الى اكتشفنا بعد العملية ان الحرارة كانت بسبب الكسر مش التيفود الى اصلا جالى بسبب الانعاش !!!

سافرت اتعالجت برة ورجعت بشلل نصفى وضعف فى الايد اليمنى وبعد كدة الى ضعف فى الحركة وقدرة بسيطة على المشى بال مشاية الحمد لله لغاية النهاردة بعمل علاج طبيعى بس بعانى اوى من الوحدة كل صحابى نسيونى كل الناس مش حوليا حتى اهلى نادر لما بيسئلو عنى عادى الزمن طبيعى غدار بداوى جروحى بذاكرتى وكل يوم بشوف فية بنت اختى بتكتبر بفرح اكتر لان عمرها من عمر الحادثة وان انا الى كنت مكانها ودة بامانة الى مخلينى راضى انى فديت بنت اختى “جنى Jana ” بس الحمل ذاد عليا اوى والى بيخدمونى خلاص مبقوش يستحملونى وكل يوم بسمع كلمة بتجرحنى اوى من اقرب الناس ليا حتى اخويا الى من لحمى بس بجد لازم اشكرة من قلبى رغم كل كلامو الى بجد بيقتلنى ولا هو حاسس لازم اشكرو وكل الى وقفو جمبى وطارق صاحبى فى الجامعة الى بردو شايلنى رغم انو مش مرغم بدة

وكل صحابى الى قربو منى فى الجامعة ومى وشيماء الى بجد من اطيببببببببببببببب الناس الى عرفتهم فى حياتى وامنية وهانم وعثمان وجيمى وطارق ومرسى وكل جروب الجامعة
فى النهاية يارب محدش فيكم يشوف حاجا وحشة فى حياتو يارب

مش عارف بجد انا لية عملت كدة بس كان لازم افتح حاجا اعبر فيها عن نفسى
مش عارف الطريق الى رسمتو لحياتى صح ولا غلط ولا اية هو انا صح انى ناسى الدنيا ومش فاضى حتى لنفسى وكل حياتى شغل من بعد الحادثة نسيت نفسى انا مين 3 سنين من الحادثة تقريبا انا منعزل عن الدنيا كل حياتى برمجة على تصميم على استضافة حياتى 24 ساعة الكترونيات

• حنين الى الماضى
  امبارح وانا قاعد على النت بعد ما خلصت شغل وانا برتاح قعدت افكر فى ايام زمان واصحابى من ابتدائى واعدادى وثانوى وحشونى اوى فى نفس الوقت عندى صحاب رجالة اوى فى الجامعا ومش مخلينى حاسس انى عامل حادثة ولا حاجا كفايا طارق بجد من الرجالة الى ربنا يكرمهم

يجماعة بجد الى حقولو دة من قلبى محدش يزعل منى بس بجد انا بحب الناس كلها اوى بحب الحب نفسو بس مش بايدى فى نفس الوقت يجماعة وحشتنى ايام اولى مودرن وشلتى والواد شادى ووالبنت الى لغاية دلوقتى بيحبها حب نظرات
ياةةةةةةةةةةة افتكرت الواد كيرو والجواب والكلام العبيط الى كتبتو فية

حبقا اكمل تخاريف بعد شويا لحسن فى عميل رزل عاوزنى