• مخنوق اوى

    ازيكم يجماعة عاملين اية

    مش عارف بجد انا لية عملت كدة بس كان لازم افتح حاجا اعبر فيها عن نفسى
    مش عارف الطريق الى رسمتو لحياتى صح ولا غلط ولا اية هو انا صح انى ناسى الدنيا ومش فاضى حتى لنفسى وكل حياتى شغل من بعد الحادثة نسيت نفسى انا مين 3 سنين من الحادثة تقريبا انا منعزل عن الدنيا كل حياتى برمجة على تصميم على استضافة حياتى 24 ساعة الكترونيات

    • حنين الى الماضى
      امبارح وانا قاعد على النت بعد ما خلصت شغل وانا برتاح قعدت افكر فى ايام زمان واصحابى من ابتدائى واعدادى وثانوى وحشونى اوى فى نفس الوقت عندى صحاب رجالة اوى فى الجامعا ومش مخلينى حاسس انى عامل حادثة ولا حاجا كفايا طارق بجد من الرجالة الى ربنا يكرمهم

    يجماعة بجد الى حقولو دة من قلبى محدش يزعل منى بس بجد انا بحب الناس كلها اوى بحب الحب نفسو بس مش بايدى فى نفس الوقت يجماعة وحشتنى ايام اولى مودرن وشلتى والواد شادى ووالبنت الى لغاية دلوقتى بيحبها حب نظرات
    ياةةةةةةةةةةة افتكرت الواد كيرو والجواب والكلام العبيط الى كتبتو فية 😀

    حبقا اكمل تخاريف بعد شويا لحسن فى عميل رزل عاوزنى

     




4تعليق من اصدقائي

  • Silver_Ring

    السبت 26 أبريل 2008 الساعه 10:51:59 مساءً

    كل يوم بنشوف حد وكل يوم بنعرف حد بس اللي بيفضلنا هو الانسان للي حبناه في الله هو اللي بيفضل معانا دنيا واخري

    رد

  • Silver_Ring

    السبت 26 أبريل 2008 الساعه 11:11:53 مساءً

    وقال صلى الله عليه وسلم : أتاني جبريل فقال:

    (( يا محمد، عش ماشئت فإنك ميت ،
    وأحبب من شئت فإنك مفارقه،
    واعمل ماشئت فإنك مجزي به
    واعلم أن شرف المؤمن قيامه بالليل
    وعزه استغناؤه عن الناس )) .
    رواه الحاكم والبيهقي وحسنه المنذري والألباني

    رد

  • manoona

    الأربعاء 20 يناير 2010 الساعه 11:16:33 مساءً

    اولا انا بحييك على المدونه الجميله وعلى ارادتك .. اى معاق بنفس الظروف بيحس بكده وكل ما كان حالته مشابهه ليك كل ما حس بيك اكتر
    الحمد لله على كل شئ احمد ربنا ان عندك ذكريات عايش عليها بتفتكرها وتحس انك عشت على الاقل جزء من حياتك طبيعى
    انا بقى مش فاكرة حتى الماضى ولا فاكرة الايام اللى كنت فيها سليمه لانى تعرضت للحادث كان عمرى وقتها 5 سنوات
    والحمد لله كملت دراستى ودخلت الجامعه واتخرجت من كليه تجارة
    وحالتى الصحيه مش مسببه لى الم نفسى اكتر من الناس ونظراتهم وتصرفاتهم
    ربنا معاك واتمنالك الخير والتوفيق

    رد

  • م / ايمن العريان

    الخميس 21 يناير 2010 الساعه 12:40:22 مساءً

    السلام علييكم اختى العزيزه فى الله
    انا الحمد لله بعون الله كملت بعد الحادث دراستى فى كليه الهندسه وعدت الامور على خير وحاليا لا اقوم بالتركيز فى غير عملى لانه اصبح كل حياتى هذا اولا

    اما بخصوص الناس ونظراتهم
    دا اخر شىء تفكرى فيه لان الناس بيشوفو الظاهر مش الباطن
    واذكرك الاعاقه هيا اعاقه الفكر والروح وليس اعاقه الجسد
    تقبلى تحياتى ومرورى والله يشفيكى ويشفينى ويشفى مرضى المسلمين جميعا

    رد

اترك رد - رأيك يهمنى :)