[حقيقة الحياة الدنيا] من الأسباب المهمة التي تجعل الإنسان يبتعد عن الدين ويهجره اعتقاده بأن الدنيا دار بقاء. والحال أن الدنيا بآلامها ومتاعبها جعلها الله لاختبار الإنسان. كل ما في الدنيا من جمال إلى زوال، وبسرعة ينتهي. وهذه حقيقة ملازمة للحياة الدنيا. أُعدّ فيلم “حقيقة الحياة الدنيا” بالاستفادة من كتب هارون يحيى التي تُرجمت إلى العديد من اللغات.
مخنوق اوى
الكاتب م / ايمن العريان بتاريخ أبريل 26th, 2008
ازيكم يجماعة عاملين اية
مش عارف بجد انا لية عملت كدة بس كان لازم افتح حاجا اعبر فيها عن نفسى
مش عارف الطريق الى رسمتو لحياتى صح ولا غلط ولا اية هو انا صح انى ناسى الدنيا ومش فاضى حتى لنفسى وكل حياتى شغل من بعد الحادثة نسيت نفسى انا مين 3 سنين من الحادثة تقريبا انا منعزل عن الدنيا كل حياتى برمجة على تصميم على استضافة حياتى 24 ساعة الكترونيات
- حنين الى الماضى
امبارح وانا قاعد على النت بعد ما خلصت شغل وانا برتاح قعدت افكر فى ايام زمان واصحابى من ابتدائى واعدادى وثانوى وحشونى اوى فى نفس الوقت عندى صحاب رجالة اوى فى الجامعا ومش مخلينى حاسس انى عامل حادثة ولا حاجا كفايا طارق بجد من الرجالة الى ربنا يكرمهم
يجماعة بجد الى حقولو دة من قلبى محدش يزعل منى بس بجد انا بحب الناس كلها اوى بحب الحب نفسو بس مش بايدى فى نفس الوقت يجماعة وحشتنى ايام اولى مودرن وشلتى والواد شادى ووالبنت الى لغاية دلوقتى بيحبها حب نظرات
ياةةةةةةةةةةة افتكرت الواد كيرو والجواب والكلام العبيط الى كتبتو فية 
حبقا اكمل تخاريف بعد شويا لحسن فى عميل رزل عاوزنى
مواضيع مشابهه
انشرها لاصدقاءك
- مريض نفسي | باعتراف اهل الطب - اسباب وعلاج (التعلق الشديد بالاخرين)
- كنت | بقيت [من دفتر ذكرياتى]
- ما اروع ان يتعلم الغرب العربيه | وما اروع ان تستمع لهم يتكلمونها (فيديو)
القسم تخاريف من القلب
تعليق 4
أبريل 26th, 2008 at 10:51 م
كل يوم بنشوف حد وكل يوم بنعرف حد بس اللي بيفضلنا هو الانسان للي حبناه في الله هو اللي بيفضل معانا دنيا واخري
أبريل 26th, 2008 at 11:11 م
وقال صلى الله عليه وسلم : أتاني جبريل فقال:
(( يا محمد، عش ماشئت فإنك ميت ،
وأحبب من شئت فإنك مفارقه،
واعمل ماشئت فإنك مجزي به
واعلم أن شرف المؤمن قيامه بالليل
وعزه استغناؤه عن الناس )) .
رواه الحاكم والبيهقي وحسنه المنذري والألباني
يناير 20th, 2010 at 11:16 م
اولا انا بحييك على المدونه الجميله وعلى ارادتك .. اى معاق بنفس الظروف بيحس بكده وكل ما كان حالته مشابهه ليك كل ما حس بيك اكتر
الحمد لله على كل شئ احمد ربنا ان عندك ذكريات عايش عليها بتفتكرها وتحس انك عشت على الاقل جزء من حياتك طبيعى
انا بقى مش فاكرة حتى الماضى ولا فاكرة الايام اللى كنت فيها سليمه لانى تعرضت للحادث كان عمرى وقتها 5 سنوات
والحمد لله كملت دراستى ودخلت الجامعه واتخرجت من كليه تجارة
وحالتى الصحيه مش مسببه لى الم نفسى اكتر من الناس ونظراتهم وتصرفاتهم
ربنا معاك واتمنالك الخير والتوفيق
يناير 21st, 2010 at 12:40 م
السلام علييكم اختى العزيزه فى الله
انا الحمد لله بعون الله كملت بعد الحادث دراستى فى كليه الهندسه وعدت الامور على خير وحاليا لا اقوم بالتركيز فى غير عملى لانه اصبح كل حياتى هذا اولا
اما بخصوص الناس ونظراتهم
دا اخر شىء تفكرى فيه لان الناس بيشوفو الظاهر مش الباطن
واذكرك الاعاقه هيا اعاقه الفكر والروح وليس اعاقه الجسد
تقبلى تحياتى ومرورى والله يشفيكى ويشفينى ويشفى مرضى المسلمين جميعا